أفضل المصادر الخارجية الخاصة بالابحاث والكتب والمرجع أفضل من جوجل

أفضل 4 منتجات تقدر توزعها وتحقق ربح مغري جدا

قبل اي شي عايز اوضحلك كام نقطة عزيزي القارئ :

كلنا حاليا بنسعي لتحقيق دخل أفضل وأننا نكون مستقلين بشغلنا بعيدا عن الوظيفة والراتب الثابت

اللي مش موجودين اصلا .

عشان توصل لنهاية الطريق في ٣ شروط لازم تنقذهم

1. تاخد اول خطوة (التوكل)
2. تستمر وتتقدم    ( عزيمة )
3. توصل بالسلامة   (الهدف )

لازم يكون روحك طويلة في السوق ؛ بمعني اني مثلا هجيب شغل بمبلغ مش هتجمعه بين يوم وليلة

هتبقي فلوسك في بضاعة ودايرة فالسوق والي بتلمه بتزود البضاعه اللي هي راس مالك .

اولا : الإمكانيات المطلوبة للمشروع

١/ انك تكون متفرغ وتقوم بالشغل بنفسك .

٢/ يكون معاك عربية سواء ملاكي اوفان لان مش كل حاجه هتناسب الملاكي .

٣/ وطبعا اساسي انك يكون معاك راس مال ٥٠ الف الي اعلي .

٤/ تكون شخص نشيط وبتحب الشغل ودماغك هتفهم السوق علطول .

مشروع توزيع مستحضرات تجميل وميكب

المجال ده ممتاز وفيه منتجات كتير مختلفة وليه قاعدة محلات كتيرة في مصر .

دورك هنا انك تشتري من المستورد وتعرفه انك هتوزع سواء كان (برفانات او زيوت وكريمات أو ميكب)

حسب قدرتك وراس مالك ؛ الموسكي فيه مستوردين كتير زي لمسة جمال والصحة والجمال و الاوائل

وفي مستوردين كتير تانيه .

دورك هنا بعد ما تشتري من المستورد تنزل توزع المنتجات على المحلات اللي ف المحافظات وتبدأ تعمل

قاعدة بيانات وطول ما انت فالسوق هتطور من نفسك وتعرف ايه المطلوب وايه مش مطلوب

والمجال ده مربح لكن أثر ربحه مش هيظهر غير بعد حوالي ٦شهور وطول ما انت بتحرق شغل

أرباحك هتضاعف .

مشروع توزيع الملابس

وده من اجمل المجالات وعن تجربه وفي رزق حلو جدا وبردو حسب مجهودك ونشاطك .

الفكرة باختصار انك تنزل علي مصنع تيشرتات بولو أو بناطيل جينز وتكثف توزيعك على المحلات

وبيع جملة وقطاعي والفكره دي جميله صيف أو شتاء وكل ماتوزع اكتر هتكسب اكتر

وتغطي كل مصاريفك غير الربح طبعا

مشروع توزيع قطع غيار الموتوسيكل

الموضوع ده جميل جدا وعليه استهلاك ديما وسحب شغل بطريقه كبيرة سواء قطع الغيار

أو الاكسسوارات لان ف شريحة كبيرة جدا داخل مصر بتركب موتوسيكلات .

والتجار معظمهم ف قليوب وبولاق والتوفيقية. كل الي عليك تعرف ايه

اهم قطع غيار عليها سحب . زي البطاريات والرفارف والمساعدين والكشافات

غير طبعا الاكسسوارات لان مجالها كبير جدا .

مشروع توزيع اكسسوارات المحمول

مفيش شك أن كل شخص حاليا معاه فون او اتنين كمان وده يعني استهلاك كبير جدا

وشريحة كبيرة جدا في تجارة الاكسسوارات كل الي عليك تشوف مستورد اكسسوارات فون

ونشوف احتياج السوق حسب الانواع اللي لسه نزله. 

من شواحن واوربت و بطاريات و جرابات و وصلات يو اس بي و اسكرينات

سماعات وحامل فون...الخ

وبعد كده هتنزل توزع ع المحلات وتمسكلك خط توزع وتجمع عملا منه.

مثلا حد واربع الشرقيه وهكذا

وتفتح طرق جديده واي محل مهما كان صغير اعرض عليه شغلك وربنا هيرزقك .

كمان بجوار التوزيع ع المحلات اعمل صفحة وبيع فيها قطاعي .

ايوه انت تقدر تعمل كده وربنا هيرزقك .