U3F1ZWV6ZTE2MzY5NTM1MTAzNzQ3X0ZyZWUxMDMyNzMxODIzMTA5MA==

اسباب ارتفاع اسعار الذهب عالميا

ارتفاع سعر الدهب

كان فيه اكتر من حد سألني علي موضوع الدهب وليه سعره بيزيد ووصل للأرقام القياسية دي مبدأيا ايه الاسباب اللي بتسبب ارتفاع سعر الدهب

السبب الأول : لما سعر الدولار بيقل ده بيسبب ان سعر الدهب بيزيد
السبب التاني: ان يزيد الطلب الاستهلاكي عليه خاصة من قبل البنوك المركزيه
السبب التالت : في فترات الازمات ولما الأسواق العاليه بتبدأ تقع المستثمرين بيتجهوا للاستثمار في الدهب خاصة ان هو الملاذ الآمن للاستثمار في فترات الازمات والاقل مخاطرة

السبب الاول مش موجود رغم اخفاض الدولار 1.5%
السبب التاني مش موجود
السبب التالت هو اللي موجود نتيجة تأثير فيروس كورونا والتقلبات اللي بتحصل في الأسواق وحالة عدم اليقين والخوف من التباطؤ الاقتصادي وايضا التوترات الاقتصاديه بين امريكا والصين
المستثمرين طبعا بيتجهو للدهب لانه الملاذ الامن في الفتره دي

هل الدهب سعره هينزل الفتره الجايه ؟؟؟

لا الفتره الحاليه هيستمر الدهب في الصعود حتي انتهاء هذه المرحله واستقرار الاسواق العالميه
ساعتها المستثمرين هيبدأو يبيعو عشان يحققو مكاسب قبل انخفاض السعر ويدخل الاسواق من تاني ف المعروض من الدهب هيزيد فبالتالي سعره هيقل وده ممكن يوصل لسنه.

فبالتالي خلال الفتره دي سعر الدهب هيفضل في زيادة وبالمناسبه سعر السبيكة هيوصل ل 2200 دولار

طب اشتري دهب دلوقتي ولا لا
لو ناوي تشتري خلال الفتره الجايه دي لا اشتري دلوقتي لان السعر هيزيد وهتدفع اكتر
او استني الفتره دي تعدي اللي ممكن توصل لسنه ساعتها الدهب هيكون ارخص من دلوقتي

سبب ارتفاع سعر الذهب عالميا 

الإجابة البسيطة الصحيحة هي: لان الذهب له خصائص طبيعية مميزة ونادر الوجود..... السؤال الأهم هو: طيب هو الذهب والفضة والبلاتين عناصر نادرة ليه؟

في بداية عمر الأرض الذي يزيد عن ٤٥٠٠ مليون سنة كانت الأرض عبارة عن بحيرة كروية من الصهير الصخري (كرة ملتهبة من صخور سائلة)، وفي اول ٣٠ مليون سنة تركز الحديد والنيكل في مركز هذه الكرة الملتهبة مشكلا لُب الأرض. وتوزعت العناصر الأخرى كلها علي حسب رغبتها الكيميائية، اذا كانت مُحبة للحديد استقرت في الأعماق في اللب الحديدي واذا كانت غير محبة للحديد انتشرت في الصهير الصخري. ولان الذهب والعناصر النفيسة الأخرى مُحبة جدا للحديد (تنجذب اليه كيميائيا) فقد استقرت في لُب الأرض وقل تركيزها جدا في الصهير الصخري والذي انتهي به الحال بتكوين القشرة الأرضية التي نحيي عليها! ويحتوي لُب الأرض علي كمية كبيرة جدا من الذهب لو اخرجناها لغطت كل الكرة الأرضية بطبقة سمكها ٤ امتار (يعني اللي عنده بيت ملك ١٠٠ متر مربع هيكون نصيبه ٤٠٠ متر مكعب ذهب يعني ملايين الكيلوجرامات من الذهب عيار ٢٤)!! بس طبعا مستحيل استخراجها لانها علي عمق يزيد عن ٥٠٠٠ كيلومتر داخل الأرض.

من اين جاء الذهب

السؤال المنطقي الثالث، طيب من اين جاء الذهب الذي نستخرجه من المناجم الان؟ الإجابة انه بعد استقرار الأرض وتركز الذهب في مركزها، وعمرها يزيد عن الثلاثين مليون عام اُمطرت بوابل من النيازك متوسطة وكبيرة الحجم (عشرات أو مئات الكيلومترات) والتي كانت تحتوي علي الذهب (كان تركيبها مشابه لتركيب بحيرة الصهير قبل تركز الذهب في الُلب)، ولم يتمكن الذهب المُضاف من الغوص الي باطن الأرض ليلحق باللُب الحديدي، وهذا الذهب هو ما نستخرجه الان!

ومن النظريات شبه المؤكدة ان احد هذه النيازك التي جلبت الذهب وباقي العناصر النفيسة الي الأرض هو من تسبب في نشأة القمر!! فقد كان هذا النيزك كبيرا جدا لدرجه انه عندما اصطدم بالأرض وعمرها ثلاثين مليون سنة تشكلت سحابة من الغبار الساخن جدا ارتفعت وسافرت في الفضاء وتكثفت لتصنع القمر علي مسافة تجعل القمر في مجال جاذبية الأرض حيث يدور حول الأرض، وهو والأرض يدوران حول الشمس!

هو حد شاف ده وهو بيحصل؟ طبعا لأ، بس العلماء يستخدمون الشواهد المتاحة ويجرون تجارب محاكاة في المعامل للوصول الي فهم كيف نشأ الكون!

بالمناسبة، سؤال قفز الي ذهني وانا اكتب المقال : وليه ربنا ابتلي النفس البشرية بحب هذين العنصرين بالذات؟ طبعا يوجد جانب آعجاز قرآني في موضوع الذهب والفضة، فقد سبق علم الله ان تركيز العنصرين دول في الجزء المتاح من القشرة الارضية قليل وسيظل قليل (لم يكن هناك علم للجيولوجيا وقت نزول القرآن) مهما تقدم العلم، ولندرتهم وخصائصهم الطبيعية من مقاومة للصدأ والتآكل والوانهم الجذابة فقد حببهم الله للنفس البشرية "زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ۗ ذَٰلِكَ مَتَاعُ الْحَيَاةِ الدُّنْيَا ۖ وَاللَّهُ عِندَهُ حُسْنُ الْمَآبِ" والذهب ظل ومازال وسيظل رمز للثروة ومن آجله يقتل الانسان أخيه الانسان.

ذهب



تعليقات
ليست هناك تعليقات
إرسال تعليق

إرسال تعليق

رائع

الاسمبريد إلكترونيرسالة