U3F1ZWV6ZTE2MzY5NTM1MTAzNzQ3X0ZyZWUxMDMyNzMxODIzMTA5MA==

أنت خريج تجارة أو طالب في كليه تجارة فالمقال يهمك جداً

أهمية كلية تجارة 

مبدئيا كلية تجارة تعتبر عصب الشغل في الشركات بشكل عام
لان تخصصات كلية تجارة سواء محاسبة أو أدارة مطلوبين بشكل كبير في السوق
السؤال الاول ؛ محاسبه ولا ادارة أعمال ؟

كلية تجارة

ادارة اعمال ولا محاسبة 

التخصص بالذات هو عامل كبير في تحديد هويتك لما تتخرج لان نوعية الوظايف اللي هتدور عليها هتبقي مطلوب فيها خريج تجارة قسم محاسبه أو خريج تجارة ادارة أعمال
فأختيار التخصص لازم يكون راجع ليك بشكل شخصي وهقول الدلائل اللي لو فيك تختار محاسبه أو ادارة أعمال أو اي تخصص تاني في بعض الكليات الخاصة
اختار محاسبة
لو أنت شايف نفسك محاسب بتقعد علي مكتب
لو شايف نفسك بتعرف تراجع المعاملات الحسابية بشكل دقيق
لو شايف نفسك بتعرف تنظم وقتك ومجهودك لان اخر الشهر بتحتاج مجهود كبير
لو شايف نفسك في استقرار وظيفي و Career path من محاسب ل سينور لمدير حسابات لمدير مالي
لو أنت شايف نفسك بتخلص وتراجع معاملات البنوك وتشيل الشنطه علي كتفك وتروح تودع وتسحب وخلافه
انا بحاول أقولك ان شخصيه المحاسب بتتطلب حاجات معينه منها الامانه والتدقيق والروتين الممل
طيب امتي تدخل أدارة أعمال ؟
لو مش شايف نفسك قاعد علي مكتب بتخلص شوية ورق وتكتب وقاعد حبيس المكتب
لو انت عندك موهبه في الكلام ولبق
لو شايف نفسك تبقي رجل اعمال او رائد اعمال
لو شايف نفسك انك ممكن تشتغل sales او Marketing او حابب Career الادارة
لو شايف نفسك عكس الدلائل اللي قولتها فوق أدخل ادارة اعمال
طيب الافضل للبنت والولد من حيث التخصص
البنوك تطورت سياستها في استقطاب خريجي الكليات الاخري زي اداب وحقوق وألسن واقتصاد وأتطورت لانها بدأت تاخد اعداد كبيرة من ادارة اعمال زيها زي المحاسبة
فلو التارجت بتاعك البنك فالبنك مبيفرقش بين الاتنين بشكل كبير
ولما البنك عمل كده بقت الشركات تحدد ان المحاسب يبقي تخصص محاسبه لكن ساعات بيحتاجوا حد في وظيفه تناسب احتياجتهم بس يكون خريج أدارة اعمال بناء علي دراسته فانت بردة في الشركات مطلوب سواء هنا أو هنا

كلية تجارة والوظيفة 

الاجابه ؛ السؤال الاهم أنت بتعرف تعمل اية جنب المحاسبه أو ادارة الاعمال
-بتعرف تشتغل معادلات علي Excel ؟
= لا
بس في شخص تاني نفس سنه تحرجك وبيعرف يعمل معادلات ويدخل الحسابات علي Excel وانت لا
حق ربنا ؛ انه يشغله مش يشغلك
- بتعرف Excel بس مش معاك انجليزي ؟
= اه بتعرف
بس 80 % من الشركات الكبيرة بيشتغلوا علي سيستم اجنبي واسامي المنتجات وحركات الصنف والفواتير بالانجليزي هتعرف تتعامل ازاي علي البرنامج المحاسبي وهو مخصص باللغه الانجليزية فقط
في حد تاني بيبقي بيعرف Excel و عنده اساسيات الانجليزي اللي تخلية يعرف يتعامل علي البرنامج
فليه يشغلك وميشغلهوش مع انكم نفس سنه التخرج !
- طيب بتعرف انجليزي اصلا ؟
لا اساسيات بس ، طيب الشركات الكبيرة برده يتاع الحسابات بيبعت ميلات وشيتات لشركات اجنبية او مصرية والميل بيتكب بالانجلش وبيترد عليه بالانجلش
بس في حد تاني نفس سنه تخرجك بيتكلم انجليزي حلو جدا وبيشتغل اكسيل
يبقي ليه ميشغلوش ويشغلك !
انا بحاول ابسطلك المقال عشان اوضحلك نظره الشركات للمتقدمين للوظايف
في الحقيقه خلال خبرتي قابلت ناس كتيرة حديثي التخرج بيكون لبق في الكلام ومتكلم ومتخرج بمقبول بس اشطر عمليا وعلميا بكتير من اللي جايب جيد او جيد جدا
الراجع في كده الثقه في النفس بتزويد نفسك بكل حاجه تقوي موقفك وموقعك
محاسب حديث التخرج معاه Cma شهاده محاسب اداري معتمد
بيتكلم انجليزي
بيتعامل علي Excel بشكل كبير
وهنا يأتي قول ربنا وأن ليس للانسان الا ما سعي
انت تعبت في وقت غيرك متعبش فيه هتلاقي ربنا بيكافئك بعمل او وظيفه تناسبك في بداية حياتك
طيب لو انت خريج ادارة اعمال تشتغل فين ؟
عندك الفنادق
عندك المؤسسات والمصانع الكبيرة
شركات الاستيراد والتصدير
شركات النقل والمواصلات
ومختلف المجالات تناسبك
في كل الاحوال ؛ ممكن تكون خريج تجارة او ادارة اعمال وتكون مش مهتم بده او ده
في مجالات كتيرة تانية هتلاقي المشهورين والمتربعين علي قمتها من خريجي التجارة ومع انهم في غير تخصصهم لكنهم متميزين
في الحقيقه في ناس بيحط هدف او اتنين انه يشتغل فيهم وخلاص
لا هو انت تقدر بكليه تجارة تشتغل في اي مجال سواء تبع تخصصك او لا وتسد فيه باذن الله
الناس اللي اتخرجت ؛ اخرج من بوتقه انك حابب تشتغل بتخصصك وبمجالك لو ملقتش اللي مناسب ليك
ممكن تبدء من دلوقت وتبدء بتحسين الانجلش او Cma او انك تكمل في مجال تاني مختلف
تعليقات
ليست هناك تعليقات
إرسال تعليق

إرسال تعليق

رائع

الاسمبريد إلكترونيرسالة