تشكيل الجهاز الفني الجديد للأهلي
سيد عبد الحفيظ (مدير كرة)
بيتسو موسيماني (مدير فني)
رولاني موكينا (مدرب عام)
سامي قمصان (مدرب مساعد)
ميشيل يانكون (مدرب حراس مرمى)
كابيلو رانجوجا (مخطط أحمال)
موسى ماتلبا (محلل أداء)
موسيماني مديراً فنياً للأهلي لمدة موسمين
أي فريق بيحتاج يتعاقد مع مدرب جديد اول حاجة بيعملها بيبص على صفوة المدربين فى القارة اللى فيها ويبدأ يختار الأنسب لطبيعة وخطة وشخصية ناديه ولو من الأساس مفيش مدرب مناسب داخل القارة بيبدأ يلجأ لأي قارة تانية يشوف الانسب فيها وهكذا..
إدارة الأهلي لما شافت ظروف فايلر وإن الأنسب هو التعاقد مع مدير فني جديد قبل افريقيا كان قدامها اختيارين، اول اختيار مدرب مصري حافظ الفريق بس فنيا مش مبدع اوي، تاني اختيار مدرب اجنبي ميعرفش أسامي اللاعيبة بس عنده فنيات..
وبما إن مفيش وقت لـ مدرب غريب انه يعرف الفريق فـوقع الإختيار على موسيماني وهو الإختيار اللى جمع بين المدرب اللى حافظ الفريق واللاعيبة من كتر ما درسهم والمدرب اللى مبدع فنيا، ما بين المدرب اللى يقدر يكمل الموسم الحالي ويقدر فى نفس الوقت يبني مشروع للمواسم المقبلة
مشروع قد ينجح وقد يفشل والله اعلم بس ياريت نمارس دورنا الطبيعي كمشجعين وندعم الجهاز الفني لحد ما ياخدوا وقتهم واتمني منحكمش على التجربة بالفشل من قبل ما تبدأ، الدعم فقط
كذلك قمة الخطأ إنك تحكم على تجربة موسيماني مع صن داونز بشكل كامل لإن التجربة كانت على مراحل، يعني مينفعش اجمع ماتشات موسيماني مع صن داونز وأقول ايه الخساير دي كلها دا مدرب على قده، لا تعبان موسيماني استلم صن داونز مجرد فريق عادي فى جنوب افريقيا وغير معروف فى القارة وساب الفريق وهو امتع فريق بيلعب كورة فى افريقيا
تاريخ صن داونز فيه 13 دوري منهم 5 لما موسيماني درب الفريق
تاريخ صن داونز فيه 4 كاس منهم كاس لما موسيماني درب الفريق
تاريخ صن داونز فيه بطولتين قاريتين حققهم موسيماني
تاريخ صن داونز فيه 20 بطولة منهم 11 لموسيماني
موسيماني استلم الفريق وهو محققش بطولة من 6 سنين، وفريق بيعاني حرفيا
حابب تحكم على تجربة موسيماني مع صن داونز وصح وتعرف قيمته، احكم بداية من موسم 2015-16 لما بني الفريق والمشروع اكتمل .. للعلم الدوري الجنوب افريقي فيه منافسة شرسة وحوالي 5 فرق بتنافس كل سنة على اللقب
بداية من موسم 2015-16 :
فاز بـ دوري 2013-14 بفارق نقطتين عن الوصيف
فاز بـ دوري 2015-16 بفارق 14 نقطة عن الوصيف
فاز بـ دوري 2017-18 بفارق 5 نقط عن الوصيف
فاز بـ دوري 2018-19 بفارق نقطتين عن الوصيف
فاز بـ دوري 2019-20 بفارق نقطتين عن الوصيف
فاز بدوري أبطال إفريقيا
فاز بالسوبر الإفريقي
فاز بالكأس المحلي مرتين
فاز بكأس الدوري مرتين
امكانياته الفنية واللعب السريع والمتنوع كما تابعناه مع صن داونز
صن داونز تحول من فريق عادي لـ فريق قوي جدًا.. والسبب موسيماني
مستر بيتسو
إرسال تعليق
رائع