أفضل المصادر الخارجية الخاصة بالابحاث والكتب والمرجع أفضل من جوجل

المقال ده هتكلم عن كيف تزيد دخلك اليومي والشهري .. والطرق التي تؤدي لذلك

مبدئياً كده المقال ده للناس أصحاب الدخول المتوسطة والبسيطة اللي بتحاول تحسن من حياتها ودخلها

هنفكر مع بعض في شوية نقاط لعل وعسي تنفع حد فيكم

من الغلط ان الانسان يعتقد انه لازم يكون معاه فلوس عشان يبدء يعمل مشروع ويكسب من وراه

ومن الغلط ان الناس تعتقد أن المشروع هو الحل للثراء وده غير صحيح في ناس كثيرة بتكون ثروتهم من دخلهم الشهري (المرتب ) وبيكون شغال في شركات وعند الناس

فأنت ممكن تشتغل عند الناس وتكسب وتدخر ويبقي معاك فلوس وتشتري وتتجوز بس ده بيكون علي مراحل في عمرك
في ناس بتركز ٣ سنين من حياتهم وتبص عليه تلاقيه اشتري شقته وأتجوز ومعاه بيبي ومستقر ومعاه سيارة
وعلي فكرة دي حياة سوية للشخص السوي
الزوجة الصالحة والسكن الملائم والعربية اللي تريحك في الرايحة والجاية مش الملايين الكثيرة اللي أي شاب بيحلم بيها

نيجي للمهم ازاي نزود الدخل وفكر في اللي يناسبك من الخطوات دي

١-زيادة الدخل عن طريق العمل كوسيط او سمسار

شغل الوساطة من الاشغال والاعمال اللي ماشاء الله رزقها واسع
تقدر تشتغلها في اي وقت ... وملهاش مواعيد لكن تتطلب منك السعي
توسط في شراء العقارات

توسط في بيع وتوصيل الزبائن ببعض .. توسط في شراء مستلزمات المكتبات ... توسط في شراء اي شئ انت شايف أنه محتاج توصل البائع بالمشتري وده بيسبب ليك دخل أضافي تقدر تكسب من خلاله فلوس كل فترة

وهنا نصيحتي ليك : ليس عليك ان تكون عظيما لتبدأ بل عليك ان تبدأ لتكون عظيما " زيج زيجلار "
واحدة واحدة الدنيا هتمشي معاك

أقرأ أيضا : كيف تستثمر أموالك بشكل مربح جدا 

٢ - تقليل المصروفات يعتبر دخل اضافي ليك

ليه

انت بتقبض علي سبيل المثال ٥٠٠٠ ج
بتصرف ٤٠٠٠ ج منهم شهريا .. تقدر انك تجيب ورقة وقلم وتشتري كل التزماتك والالويات بتاعتك وتستغني عن كل الثانويات

لو قدرت توفر وتقلل المصروفات ل ٣٠٠٠ ج أنت كده يعتبر اضفت مصدر جديد لدخلك ١٠٠٠ ج لأنهم مكنوش في الحسبان

٣- زيادة الدخل الشهري عن طريق الإنترنت

صناعة المحتوي من اكثر وأهم الانشطة اللي وجدت من اكثر من ١٠ سنوات وصناعه المحتوي تحديدا هي كتابة أعلانات الصفحات علي الفيس بوك والمواضيع والبوستات في صفحات المنتجات والشركات
في صناع محتوي بيمسكوا ٤ او ٥ صفحات وشغالين من بيتهم ولو بياخد في كل صفحة ٢٠٠٠ علي الاقل كده وصل ل ١٠٠٠٠ ج

طبعا البرمجة بتخصصاتها لو تعلمتها هتضيف لك دخل اضافي عظيم لأنها بالساعة

أقرأ أيضا : الربح من كتاب المقالات 

٤- أستثمر مواهبك

كثير جدا من الناس موهبين جدا اللي بيعرف يرسم واللي بيكتب شعر واللي بيعرف يغني واللي بيعرف يضحك الناس

كل دي مواهب
الشطارة أنك تقلب موهبتك الي بتعملها لأستثمار يدر عليك دخل اضافي
بتحب الكتب وبتحب تقرأها اكتب كتاب عن مدي تأثير الكتب علي عقلك قبل وبعد
الرسم في ناس بترسم بورتيهات بفلوس ... وفي ناس بتكتب شعر ويطلع يعمل حفلات تدر عليه دخل اضافي كبير ويمكن تعتمد عليه كأساسي

٥- اهتم بتطوير نفسك 

ودي من أهم النقط اللي انت محتاج تعيد النظر فيها وفيها

كثير جداً من الفرص الحلوة بتضيع عليك بسبب أنك ضعيف في نقطة معينة أنت عارفها لكن مكسل أو مش عارف تغيرها او تحسنها فيك

مثلاً، موظف خدمة العملاء في قسم اللغة الإنجليزية، يحصل على راتب أكثر منك كموظف خدمة عملاء في قسم اللغة العربية بمقدار 50% (حقيقة).

ليه لأنه بيتميز عنك فقط لا في شكل ولا في لون ولا تعليم

فقط انه بيتكلم أنجليزي عنك فلما تتقن اللغه وتبدء تشتغل في فرصة أحسن بدل ٣٠٠٠ ج تاخد ٥٠٠٠ ج أنت كده زودت دخلك ٢٠٠٠ ج بتطويرك لنفسك وقيس علي كده كل حاجة

ومحاسب شاطر بس مش بستخدم الاكسيل ولا بيعرف يتعامل عليه
عكس محاسب متوسط لكنه جيد في الاكسيل وبيتعامل عليه
الاول هيترفض والأخر يتقبل ودي سنة الحياة .. اللي متطور ومواكب السوق هو اللي السوق بيحتاجة

أقرأ أيضا :طرق الاستثمار الناجح

٦- لو معاك سيارة او موتوسيكل

تقدر تحسن دخلك لو تملك سيارة أو موتسيكل من خلال الانضمام لبرنامج فيليت أرامكس وده برنامج لتوصيل الطلبات والشحنات في المنطقة التابع ليها وطبعا ده دخل اضافي عظيم ليك

بتسجل معاهم وبيكملوك وبتشغل معاه كشغل جزئي part time مقابل نسبة او مرتب

طبعا تقدر تشتغل في شركات كتيرة لو معاك سيارة في شركات توصيل زي اوبر وكريم و هايڤ ودي شركات بتطلب كباتن .. تقدر تقدم من خلال الابلكيشن بتاعهم أو من خلال الويب سايت بتاعهم

٧-برنامج google AdSense واليوتيوب

في برنامج اسمه google AdSense وده عملاه جوجل للتعاون بين الفرد وبين جوجل

بحيث ان الفرد يعمل موقع الكتروني أو مدونة ويكتب عليها مواضيع أو مقالات معينة ويتم زيارة الموقع من خلال افراد كثير وجوجل بتعمل معاك اتفاق أن تعرض اعلانتهم عندك في المدونة بعد موافتها للشروط وده بيدر عليك دخل بالدولار
هياخد منك وقت كتير لكنه في ناس في مصر معتمدين علي كده

وال youtube عنده برنامج ايضا وده بتعمل قناة ليك بتقدم فيها محتوي خاص بيك وبتنشر فيديوهاتك وبعد مطابقتك للشروط بتقدر تعرض اعلانات يوتيوب عندك علي قناتك مقابل نسبة من الربح نتيجة النقر او مشاهدة الاعلانات دي

أقرأ أيضا : طرق الربح من الانترنت مجانا 

٨- الترجمة من وإلى جميع اللغات

ودي من وسائل الدخل الاضافي وبتعتمد علي مجهودك الفكري والذهني ولو بتتكلم اي لغه بطلاقة تقدر تعرض نفسك علي مكاتب الترجمة ولو اتفقت معاهم علي الترجمه من والي هيتسبب ليك في دخل كبير ليك

كمان لو بتتكلم لغه اوروبية غير الانجليزي تقدر تبحث عن الشركات اللي بتبيع للماركت الاوروبي منتجات او خدمات وممكن تشتغل معاهم يوم او يومين في الاسبوع مقابل مبلغ ليس بالقليل ومعظم الشركات دي بتكون شركات it , software , digitals

9- الدروس الخصوصية

ابدء بمجموعات بسيطة بجوار شغلك الاساسي والمجموعات البسيطة هتبدء في الزيادة لكنها محتاجة صبر وممكن تعتمد عليها وبتدر دخل اضافي لا بأس به

١٠- الانضمام إلى شركات تسويق العطور والمكياج والمأكولات

هناك بعض الشركات المعروفة عالميًا ومحليًا مثل شركة ماي واي وشركة ايفون وأوريفليم التي تعمل في مجال التجارة والتسويق

ودول بتشتغل معاهم بنظام العمولة والي حد ما كثير من السيدات بينجحوا فيهم جدا

١١- استغل أيام العطلات في العمل الإضافي

لو شغال موظف فعندك يوم أو يومين اجازة تقدر تستغل اليوم ده في الاتفاق مع محل ملابس او محل في أي مول تجاري للعمل في الايام دي مقابل مبلغ مالي يومي والي حد ما بيدير عليك دخل لو في اليوم ١٠٠ ج أنت اولي بيهم

انا مش بتكسف لما بقول ان كل رمضان بشتغل في محل ملابس لواحد صحبي وبيدر عليا دخل كبير لقوتي في البيع الحمد لله وفي نفس الوقت انا بحب الشغلانه دي وبتسفيد في وقت فراغي فيها
وطبعا في وظائف كثيرة يمكن تشتغل فيها
كمندوب لتوصيل الطلبات للمنازل، أو العمل مع شركات البيع المباشر

١٢- استغل وظيفتك في العمل الحر

إذا كنت تعمل موظفاً في أي مجال، فكر كيف يمكنك استغلال مهاراتك الوظيفية الحالية، كفكرة من أفكار زيادة الدخل الخاص بك.
دور علي الشركات اللي محتاجة خدمتك ومحتاجة خبرتك

مثلاً. إذا كنت تعمل محاسباً في شركة، يمكنك تقديم خدمات المحاسبة إلى شركات أو مؤسسات أخرى تحتاج إلى محاسبين بنظام العمل الحر
وغيرها كل وظيفة تقدر تستخدم فيها خبرتك لتقديمها لشركات اخري مقابل مبالغ مالية

١٣- بيع دائماً الأشياء القديمة اللي عندك

في حاجات كثيرة بتعتبر خردة انت متتخيلش لو بعتها يتعتبر تدر عليك دخل

ممكن يكون في ساعة قديمة ماركة يدفع فيها فلوس لندرتها - تلفزيون قديم وغيرها من الاشياء القديمة اللي لو بعتها تدر عليك دخل

١٤- تربية الحيوانات

تربية الحيوانات تعتبر من افضل وسائل الدخل الاضافي وده بيخليك طول الوقت تربي وتبيع تربي وتبيع وليكن دواجن والطيور عموما
طبعا في ناس بتربي كلاب وتبيعها وده فيه خلاف فقهي مش موضوعنا

١٥ - الاستغفار

أكثر مصدر دخل اضافي عرفته البشرية

أولاً وأخيراً اللجوء إلى الله سبحانه وتعالى، هو أقصر طريق مؤكد لزيادة دخلك، تقرب إلى الله بكثرة الإستغفار والصدقة سوف تجد أمولاً تتدفق إليك من حيث لا تعلم ولا تحتسب، إنه وعداً من الله سبحانه وتعالى ورسوله الكريم صل الله عليه وسلم، ما نقصت صدقة من مال، وعندما تتصدق بالقليل يضاعف الله لك الأجر من فضله العظيم.

أقرأ ايضا : ازاي تستثمر اموالك بشكل أفضل وأحسن