أفضل المصادر الخارجية الخاصة بالابحاث والكتب والمرجع أفضل من جوجل

 ملابس شباب شعبي بريح مميز شهريا

المشروع ده بجد جميل وراس ماله صغير ويناسب معظم الناس الي فالمدن البسيطه والأرياف والقري والمحافظات خصوصا لو ف شارع حيوي ..

الحاجه هتبيع نفسها لان السعر هيكون ع قد الايد ..

تابع واذكر الله ..

موقع المكان لمحل الملابس الشعبي

الاول نختار محل يكون ف مكان حيوي شغال جنب موقف أو جنب سوق .

مساحة المحل الملابس الشعبي

ممكن نبدا بحاجه صغيره متنساش ابدا بالممكن يستسلم لك المستحيل ممكن حاجه ٢*٣ او ٣*٤ ..

المهم بص للمكان الي قدام المحل يكون ف مساحه تحط فيها استاندات خارجية لعرض الشغل وكتابة الاسعار عليها ..

تجهيزات المحل الملابس الشعبي

احنا مش هنشتغل عالمحاره اكيد لازم تجهيزات وان شاء الله مش هتعدي ال ٥ الاف جنيه .. وغالبا المحلات بتكون متجهزه حاليا.

ولو مش متجهزه هنعمل نص المحل خشب او هنركب استاندات من غير خشب ودي هتوفر اكتر ونعلق فيها الشغل

ومننساش السقف التركيب واهم حاجه الاضاءه تكون جيده وغرفه صغيره للبروفه ..

كمان هنحتاج مانيكانات نص ودي هنعرض عليها التيشرتات عشان تلفت النظر والي يطلب هتطلعله مقاسه

والاستاندات الخارجية مهمه جدا طبعا لان هنعرض عليها الشراويل والاسعار ..

فرش المحل الملابس الشعبي

طبعا زي ماقولنا الي هيميزنا الاسعار أننا هنبيع من ٦٥ ل ٩٥ ج واعلي حاجه ممكن توصل ل ١٥٠ ج ..

فطبعا لازم نجيب الشغل زي التيشرتات والشراويل والقمصان بأقل سعر ونحاول نوصل لمصانع وناخد منها أو ننزل الموسكي وتدور ع مكتب جمله محترم واسعاره كويسه وتبدأ تسحب شغل وتعرضه ..

الدعايا لمحل الملابس الشعبي

افضل دعاية ليك بالنسبه للمحل الملابس الشعبي هو مكانك ثم مكانك ثم اسعارك وبيكون ف ربح ممتاز وكل ماتحط هامش ربح قليل مثلا ٢٥ او ٣٥ فالقطعه هتبيع وتحرق شغل اكتر وربنا يباركلك ومتنساش طبعا التلبيس المقاسات الخاصه لان فيها مبيعات عاااليه ..